Eberechi Eze er ekki í leikmannahópi Crystal Palace sem tekur á móti Fredrikstad í forkeppni Sambandsdeildarinnar í kvöld.
Þetta er vegna yfirvofandi félagaskipta hans til Arsenal fyrir 67,5 milljónir punda, sem samsvarar upphæðinni í riftunarákvæði leikmannsins við Palace.
Eze hefur verið einn af betri kantmönnum ensku úrvalsdeildarinnar síðustu ár og var gríðarlega eftirsóttur í sumar. Hann virtist vera á leið til Tottenham þar til Arsenal steig inn í og gekk frá kaupunum.
Eze er því að snúa aftur til Arsenal en hann var hjá félaginu til 13 ára aldurs.
Gary Cotterill fréttamaður Sky Sports er staddur á Selhurst Park, heimavelli Palace, og segir að Oliver Glasner þjálfari sé búinn að segja við stuðningsmenn að Eze sé ekki í leikmannahópnum.
Glasner sagðist ekki vita hvort Eze muni vera meðal áhorfenda á leiknum.
21.08.2025 10:08
Teiknuðu Eze í Arsenal treyjunni á vegg rétt hjá Emirates
Athugasemdir
