Fjalar hefur einnig leikið með Þrótti, Fram og Fylki. Þessi reynslumikli markmarður hefur leikið 241 leik í deild og bikar og á eina fimmtán landsleiki að baki með landsliðum Íslands.

„Þegar sá möguleiki opnaðist að Valur hefði áhuga og síðan eftir fund með Magga Gylfa - Var aldrei spurning um að ganga til liðs við Val. Ekki skemmir það heldur að ég á mjög góðar tengingar inn í félagið, en Málfríður konan mín hefur alla tíð spilað fyrir Val," sagði Fjalar við heimasíðu Vals.

Markmannsmál Vals hafa verið í óvissu en Sindri Snær Jensson yfirgaf félagið eftir nýliðið tímabil. Fótbolti.net greindi frá því um helgina að Fjalar væri í viðræðum við Val en félagið vill einnig fá miðjumanninn Sam Hewson sem lék með Fram.