Kristijan Jajalo hefur leikið síðustu þrjú sumur í Grindavík undir stjórn Óla Stefán Flóventssonar sem tók við KA liðinu í vetur og þeir þekkjast því vel.

Í vetur talaði Óli Stefán um að hann stefndi á að gefa Aroni Elí Gíslasyni og nafna hans Aroni Degi Birnusyni traustið í sumar en Aron Dagur lék á láni hjá Völsungi í síðasta sumar. Aron Elí spilaði seinni hluta síðasta tímabils og þótti standa sig vel.

„Um leið og við óskum Aroni alls hins besta hjá vinum okkar í Magna bjóðum við Kristijan velkominn í KA. Kristijan kemur til liðs við KA frá Grindavík þar sem hann hefur spilað síðustu 3 ár," segir á heimasíðu KA.

KA er spáð 7. sæti Pepsi Max-deildarinnar í sumar en Magna er spáð neðsta sæti Inkasso-deildarinnar.