Sean Dyche, knattspyrnustjóri Burnley, var afar ósáttur með Callum Hudson-Odoi, leikmann Chelsea, í leiknum í dag.
Burnley tapaði leiknum 4-2 en Hudson-Odoi fékk gult spjald fyrir dýfu á 77. mínútu.
Dyche er ekkert sérstaklega hrifinn af leikaraskap og hafði sitt að segja eftir leikinn.
„Ég gersamlega þoli ekki þegar menn dýfa sér. Þetta er svo fáránlegt og það þarfa að henda þessu úr leiknum," sagði Dyche.
„Það eru allir að tala við mig um að virða dómara en leikmenn þurfa þá að virða leikinn," sagði hann í lokin.
Athugasemdir
