Páll Magnússon útvarpsstjóri er í sjónvarpsviðtali við Fótbolta.net í dag þar sem rætt er um niðurskurð stofnunarinnar sem viðkemur fótboltanum..
Fréttastofa RÚV greindi frá því á dögunum að hluti af niðurskurði á Ríkissjónvarpinu væri að beinum útsendingum frá leikjum íslenska landsliðsins. Fótbolti.net ræddi við Pál Magnússon útvarpsstjóra í gær þar sem þetta mál bar á góma.
,,Það hefur kannski verið ofsagt að við ætluðum ekki að gera það en við erum alveg reiðubúnir að draga saman í því eins og öllu sem við höfum verið að gera. Þetta er hinsvegar ekki komið á hreint," sagði Páll í sjónvarpsviðtali við Fótbolta.net aðspurður út í þetta.
,,Það er þannig að það er útlenskt fyrirtæki, Sport5, sem á allan rétt á öllum íslenskum fótbolta sem fram fer á vegum KSÍ. Það er að segja öllu sem fram fer á Íslandi. Heimaleikjum landsliðsins, bæði karla og kvenna, og deildarkeppninni og öllu saman," hélt hann áfram en aðstoðarframkvæmdastjóri Sport5 kemur hingað til lands síðar í mánuðinum og þá skýrist hvort samið verði um áframhald.
,,Þá reynir á hvort það nái saman í samningum við þá. Við erum ekki reiðubúnir að greiða það sama og við greiddum í fyrra. Það fer eftir því hversu langt þeir koma til móts við okkur hversu mikið við komum til með að sýna af íslenskum fótbolta."
Áhugasamir geta horft á viðtalið við Pál í sjónvarpsskjánum hér að ofan en hann kemur einnig inn á umfjöllun um Heimsmeistaramótið í knattspyrnu og fleira í viðtalinu.
