Pétur Georg Markan var á skotskónum þegar að Fjölnir krækti í sinn fyrsta sigur í fyrstu deildinni í sumar með því að leggja Þrótt 4-0 á heimavelli.
,,Heilt yfir fannst mér þetta góður leikur, sjálfsagt besti leikurinn okkar í sumar," sagði Pétur Georg við Fótbolta.net eftir leik.
Fjölnir hefur núna gert þrjú jafntefli og unnið einn leik en Pétur vill ekki fara að tala strax um toppbaráttu.
,,Við látum þetta að nægja að sinni og látum hvern leik nægja sína þjáningu, ég held að það sé allt í lagi."
,,Ef við komum svona stemmdir í hvern leik þá verður uppskeran örugglega eftir því í sumar, við sjáum svo bara til."
Hér að ofan má sjá viðtalið við Pétur í heild sinni.
