Úr leiknum í kvöld.
,,Þetta gekk ágætlega hjá okkur en það voru utanaðkomandi atriði í leiknum sem eyðilögðu hann," sagði Guðlaugur Baldursson þjálfari ÍR ósáttur eftir 2-0 tap liðsins gegn Leikni í fyrstu deildinni í kvöld.
,,Ég er að tala um dómgæsluna. Hún var algjör farsi og gaf okkur ekki tækifæri til þess að vinna leikinn."
,,Ég er að tala um dómgæsluna. Hún var algjör farsi og gaf okkur ekki tækifæri til þess að vinna leikinn."
Tómas Agnarsson og Árni Freyr Guðnason fengu báðir að líta rauða spjaldið í síðari hálfleik auk þess sem Leiknir fékk vítaspyrnu.
Þá voru ÍR-ingar æfir yfir öðru marki Leiknis þar sem þeir töldu Kjartan Andra Baldvinsson hafa notað hendina til að leggja boltann fyrir sig áður en hann gaf á Kristján Pál Jónsson sem skoraði.
,,Fyrir það fyrsta er Tómas rekinn út af fyrir að láta sparka í sig. Síðan er annað markið sem drepur okkur endanlega þegar maður tekur boltann inn fyrir með hendinni og skora. Þetta var bara farsi, algjört grín. Það var ekki mikið annað sem skyldi á milli liðanna í dag."
ÍR er eftir þessi úrslit 29 stig í fjórða sætinu og nokkuð ljóst að liðið kemst ekki upp.
,,Við erum úr leik í toppbaráttunni. Við reynum áfram að ná í þrjú stig í hverjum einasta leik sem við förum í, það er ekkert breytt en þetta setur okkur úr toppbaráttunni."
Hér að ofan má sjá viðtalið í heild sinni.
