Páll Viðar Gíslason þjálfari Þórs var hundsvekktur með að hafa tapað fyrir HK 3-2 í Kópavoginum í dag. Þetta var leikur sem Þór hefði þurft að vinna ef úrslit í öðrum leikjum hefði fallið þannig að toppliðin Leiknir og Víkingur hefðu unnið sína leiki, en sem betur fer fyrir Þór að þá gerðu Leiknismenn jafntefli við Fjarðarbyggð og Páll Viðar var að vonum ánægður með það. Þór er því enn í baráttunni við að komast upp í Pepsí deildina.
,,Við erum hundsvekktir og sárir og gráti næst því að okkur langaði rosalega mikið til að vinna þennan leik. Við lögðum allt í þetta sem við gátum og ég get ekki kvartað yfir því að leikmenn lögðu sig ekki fram. En ég vill að það komi fram að okkur þykir vænt um Fjarðarbyggðarmenn núna fyrst að þeir halda lífi í okkur" sagði Páll í samtali við Fótbolta.net eftir leikinn.
Nánar er rætt við Pál í sjónvarpinu hér að ofan.
