Baldur Sigurðsson skoraði þrennu þegar KR gerði 3-3 jafntefli við Grindavík í kvöld. Allt stefndi í sigur KR þar til Gilles Mbang Ondo jafnaði úr vítaspyrnu undir blálokin.
,,Mér fannst þetta vera fáránlegur dómur og mér fannst þetta vera mjög týpískt fyrir okkur í sumar að fá svon víti á móti okkur. Hann dæmir einhverja hendi sem er ekki möguleiki á að hann sjái," sagði Baldur við Fótbolta.net eftir leik.
,,Ég veit ekki einu sinni hvort þetta var hendi, ég var svipað illa staddur og línuvörðurinn til að dæma þetta. Í hinum leikjunum fáum við ekki svona en það þýðir ekki að væla yfir því."
,,Eitt stig er eitt stig og við erum í góðri stöðu til að tryggja okkur Evrópusæti og það ætlum við að gera á laugardaginn (gegn Fylki)."
Hér að ofan má sjá viðtalið í heild sinni.
