Lestu um leikinn: Fylkir 0 -  2 FH

Matthías var að spila sinn fyrsta leik á Íslandsmóti í 10 ár og er strax kominn á blað.

„ Ég verð bara að viðurkenna að ég hef sjaldan verið með svona fiðring fyrir leik, koma heim og langt síðan síðast þannig bara geggjuð tilfinning og gott að koma heim í mitt lið og spila með vinum mínum þannig ég er bara hæstánægður."

Aðspurður um mun á deildinni núna og fyrir 10 árum hafði Matti þetta að segja:

„Nú hef ég ekki spilað við öll þessi lið en eftir því sem ég hef fylgst með og séð svona í pre-season að þá finnst mér miklu fleiri frambærilegri lið og mér finnst vera ótrúlegur stígandi í þessu og mörg lið sem geta keppt þarna uppi. Allir leikir í þessari deild eru bara harka. Mér finnst við vera á réttri leið þó við getum bætt ýmislegt bæði leikmenn og umgjörð og allt þannig svo við þurfum bara allir íslenskir fótboltaáhugamenn og þeir sem standa í kringum þetta að hjálpast að við að bæta íslenskan fótbolta."

Aðspurður um hvort það hafi alltaf bara verið FH sem kom til greina þegar hann snéri heim sagðist hann ekki hafa verið í vafa.

„ Ég lýg því ekki að það hefur alveg verið í gegnum árin oft verið haft samband og spurt hvort ég sé á leiðinni heim og svoleiðis en þegar ég hugsa þetta betur og betur að þá kom ekkert annað til greina. FH hefur gefið mér ótrúlega margt í gegnum ferilinn og þeir hjálpuðu mér að komst út og án þeirra hefði ég aldrei komist í mennskuna svo þegar ég hugsa tilbaka að þá kom ekkert annað til greina."

Nánar er rætt við Matthías Vilhjálmsson í spilaranum hér fyrir ofan