Keflavík tók á móti Völsungi í lokaleik nítjándu umferðar Lengjudeild karla í dag.
Það voru fullt af færum í dag og litu alls níu mörk dagsins ljós á HS Orku vellinum í dag.
Lestu um leikinn: Keflavík 7 - 2 Völsungur
„Góður sóknarleikur hjá okkur í dag og frábær úrslit" sagði Haraldur Freyr Guðmundsson þjálfari Keflavíkur eftir sigurinn í dag.
„Þetta var mjög skemmtilegur leikur á að horfa en óþarfi kannski að fá þessi tvö mörk á okkur en við réðum lögum of lofum og áttum frábæra byrjun. Við vorum betra liðið fannst mér í dag og verðskulduðum sigurinn"
Keflavík fékk skell í síðustu umferð gegn Fylki en svöruðu fyrir sig með því að skora sjö í dag.
„Við töpuðum illa síðast, stórt. Við unnum þar á undan stórt og töpuðum svo þar á undan stórt svo þetta hefur verið svolítið svona upp og niður hjá okkur"
„Þetta var frábært svar hjá strákunum í dag og svo er þetta bara að halda áfram, næsti leikur"
Keflavík lagaði markatöluna í dag og eiga leik gegn ÍR í næstu umferð þar sem þeir geta með sigri jafnað þá af stigum og um leið lyft sér upp fyrir þá í umspilsæti þegar lítið er eftir.
„Markatalan er jöfn og þetta gæti endað á að snúast um markatölu en við þurfum fyrst og fremst að fara og ná í stig"
„Við þurfum að byrja á því að hugsa bara um næsta leik og sjá svo hvernig staðan er eftir það"
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór | 21 | 13 | 3 | 5 | 49 - 30 | +19 | 42 |
| 2. Þróttur R. | 21 | 12 | 5 | 4 | 42 - 35 | +7 | 41 |
| 3. Njarðvík | 21 | 11 | 7 | 3 | 47 - 25 | +22 | 40 |
| 4. HK | 21 | 11 | 4 | 6 | 42 - 29 | +13 | 37 |
| 5. ÍR | 21 | 10 | 7 | 4 | 37 - 25 | +12 | 37 |
| 6. Keflavík | 21 | 10 | 4 | 7 | 49 - 38 | +11 | 34 |
| 7. Völsungur | 21 | 7 | 4 | 10 | 36 - 48 | -12 | 25 |
| 8. Grindavík | 21 | 6 | 3 | 12 | 38 - 58 | -20 | 21 |
| 9. Fylkir | 21 | 5 | 5 | 11 | 32 - 31 | +1 | 20 |
| 10. Leiknir R. | 21 | 5 | 5 | 11 | 22 - 39 | -17 | 20 |
| 11. Selfoss | 21 | 6 | 1 | 14 | 24 - 40 | -16 | 19 |
| 12. Fjölnir | 21 | 3 | 6 | 12 | 31 - 51 | -20 | 15 |
