Marc Guehi
Marc Guehi, fyrirliði Crystal Palace á Englandi, á sér annan draum en þann að spila atvinnumannafótbolta, en hann gæti vel hugsað sér að keppa í fjölbragðaglímu í Bandaríkjunum.
Varnarmaðurinn varð bikarmeistari með Palace á síðustu leiktíð og er þá fastamaður í enska landsliðinu.
Hann er sagður á leið til Liverpool á næstu dögum, en samningur hans rennur út á næstu leiktíð.
Guehi elskar ekki bara fótbolta. Hann er mikill aðdáandi WWE (fjölbragðaglímu) sem hefur notið mikilla vinsælda í Bandaríkjunum og er farin að dreifa vinsældum sínum um alla Evrópu.
„Ég væri mjög til í að vera fjölbragðaglímukappi (e. WWE Wrestling). Ég ólst upp við að horfa á WWE og ég hef keypt nokkra viðburði á Netflix. Ég myndi elska að vera í þessu.“
„Þetta getur verið hættulegt, en leiklistin á bak við þetta er heillandi. Ég er góður að bulla í mækinn og fæ fólk oft til að trúa því að ég sé vondi eða góði kallinn,“ sagði Guehi við BBC.
Nýlega var fyrsta fjölbragðaglímufélagið stofnað hér á Íslandi, en það er spurning hvort það sé til á Englandi, svo hann geti svalað þorsta sínum í þetta ágæta áhugamál í heimalandinu.
Athugasemdir
