Antonio Conte, stjóri Tottenham Hotspur, þarf að sætta sig við að vera upp í stúku meðan lið hans spilar við Marseille í lokaumferðinni í riðlakeppni Meistaradeildar Evrópu en með honum er kunnuglegt andlit.
Conte fékk rauða spjaldið í 1-1 jafntefli liðsins við Sporting í síðustu viku en hann brjálaðist eftir að mark Harry Kane var dæmt af undir lok leiksins.
Hann er því í eins leiks banni og situr því sem fastast í stúkunni á Vélodrome-leikvanginum í Marseille.
Með honum er fyrrum landsliðsmaðurinn Grétar Rafn Steinsson, en hann gegnir stóru hlutverki innan félagsins. Hann kemur að íþróttavísindum og leikmannamálum hjá Tottenham ásamt því að vinna náið með aðal- og unglingaliði félagsins.
Grétar starfaði áður hjá Everton og Fleetwood Town ásamt því að sinna sérstöku ráðgjafastarfi hjá KSÍ.
Antonio Conte watching on from the stands, alongside performance director Gretar Steinsson #THFC pic.twitter.com/AvzqvnSBQu
— The Spurs Web (@thespursweb) November 1, 2022
Athugasemdir
