Byrjunarliðin hafa verið tilkynnt og vekur byrjunarlið Rauðu djöflanna upp stórar spurningar um hvort þjálfarinn Ruben Amorim hafi loksins ákveðið að prófa nýtt leikkerfi.

Mikið var rætt um mögulega breytingu á leikkerfi Man Utd í enskum fjölmiðlum í dag en óljóst er hvort hún hafi átt sér stað. Jamie Carragher hjá Sky Sports ræðir við Ruben Amorim þjálfara Man Utd á næstu mínútum til að spyrja hann út í byrjunarliðið.

Amorim gerir eina breytingu á byrjunarliðinu sem fór létt með botnlið Wolves um síðustu helgi, þar sem Leny Yoro kemur inn í varnarlínuna fyrir Noussair Mazraoui.

Man Utd gæti því mætt til leiks með klassísku þriggja manna varnarlínu Amorim, eða fjögurra manna varnarlínu þar sem Ayden Heaven yrði við hlið Yoro í hjarta varnarinnar.

Andoni Iraola þjálfari Bournemouth gerir einnig eina breytingu eftir markalaust jafntefli gegn Chelsea í síðustu umferð. Tyler Adams kemur aftur inn í byrjunarliðið eftir leikbann og tekur sæti Alex Scott á miðjunni.

Man Utd hefur verið orðað við Antoine Semenyo og Tyler Adams í haust.

Fimm stig skilja liðin að á stöðutöflunni. Man Utd getur jafnað Chelsea á stigum í 4. sæti deildarinnar með sigri.

Man Utd: Lammens, Dalot, Heaven, Yoro, Shaw, Casemiro, Fernandes, Mount, Amad, Mbeumo, Cunha
Varamenn: Bayindir, Dorgu, Fredericson, Malacia, Martinez, Mainoo, Ugarte, Sesko, Zirkzee

Bournemouth: Petrovic, Smith, Diakite, Senesi, Truffert, Adams, Kluivert, Tavernier, Jimenez, Semenyo, Evanilson
Varamenn: Dennis, Araujo, Soler, Brooks, Scott, Adli, Kroupi Jr, Hill, Unal