Will Still.
Knattspyrnustjórinn Will Still hefur framlengt samning sinn við franska félagið Reims.
Nýr samningur hans við félagið gildir til ársins 2025.
Nýr samningur hans við félagið gildir til ársins 2025.
Hinn þrítugi Still vakti mikla athygli á tímabilinu sem er að líða þar sem hann tók við Reims í október og fór með liðið í gegnum 19 leiki án taps. Honum var lýst sem áhugaverðasta stjóranum í Evrópuboltanum.
Still spilaði mikið Football Manager tölvuleikinn í æsku en er nú að upplifa drauminn. Hann hætti að spila fótbolta þegar hann var 17 ára og fór þá að þjálfa.Hann byrjaði á því að vinna sem aðstoðarþjálfari U14 liðs Preston á Englandi og er núna búinn að vinna sig upp í það að vera aðalþjálfari Reims í frönsku úrvalsdeildinni.Árangurinn hefur verið þannig að um hann er talað og eftir honum tekið.
Reims hefur þurft að greiða 25 þúsund evrur í sekt fyrir hvern leik sem þeir spila þar sem Still er ekki búinn að sækja sér hæstu þjálfaragráðuna í bransanum, UEFA Pro License. Því má hann í raun ekki vera að þjálfa í frönsku úrvalsdeildinni en Reims hefur það mikla trú á honum að félagið sekt fyrir hvern leik sem hann stýrir. Hann er að sækja sér réttindin núna.
Reims mætir Montpellier í lokaleik sínum í frönsku úrvalsdeildinni á laugardaginn en liðið er í ellefta sæti fyrir lokaumferðina.
Athugasemdir
