Alain Griezmann um Setien: Þú ert bara farþegi

Alain Griezmann, faðir Antoine Griezmann, telur svo vera og fór ekki leynt með skoðanir sínar um þjálfara sonar sins á samfélagsmiðlum.

Griezmann hefur ekki skorað eftir Covid pásu og var geymdur á bekknum þar til á 90. mínútu í 1-1 jafntefli gegn hans fyrrum félagi, Atletico Madrid. Hinn tvítugi Ricard Puig spilaði í hans stað.

Þetta var þriðji leikurinn af síðustu fjórum sem Griezmann byrjaði á bekknum og tók Alain ekki vel í það. Alain sá viðtal við Setien eftir jafnteflið við Atletico þar sem þjálfarinn er spurður út í fjarveru Griezmann.

„Ef þú vilt tjá þig þá verðuru að hafa lyklana að bílnum, en þú ert bara farþegi," sagði Alain og átti við að Setien ræður engu hjá Barcelona.

Bróðir Griezmann tjáði sig einnig á Twitter í gærkvöldi en var snöggur að eyða sínum ummælum út. Móðir hans hefur einnig átt í útistöðum við Setien.