„Eins og staðan er núna reikna ég ekki með að neinn af þeim verði áfram," sagði Víglundur Páll Einarsson þjálfari Fjarðabyggðar við Fótbolta.net í dag.

„Mér finnst mun betra að velja útlendinga sjálfur heldur en að láta velja þá fyrir mig," bætti Víglundur við en lengra viðtal við hann birtist síðar í dag.

Hinn ástralski Kile hefur varið mark Fjarðabyggðar undanfarin þrjú ár og Nik var að ljúka sínu öðru tímabili með liðinu. Milos kom til Fjarðabyggðar frá Huginn í fyrra á meðan Carl Oscar kom frá Svíþjóð um mitt mót í ár.