Liverpool var rétt í þessu að vinna borgarslaginn gegn Everton þökk sé ótrúlegu marki frá varamanninum Divock Origi.
Staðan var markalaus og allt stefndi í jafntefli þegar Jordan Pickford gerðist sekur um slæm mistök í marki Everton.
Skot Virgil van Dijk, sem hefði líklegast verið síðasta snerting leiksins, var á leið yfir mark Everton. Pickford áttaði sig ekki almennilega á eigin stöðu og blakaði knettinum inná völlinn og beint á kollinn á Origi sem þakkaði kærlega fyrir sig.
Jürgen Klopp gjörsamlega trylltist við markið og óð inn á völlinn til að fagna með Alisson Becker, eins og er hægt að sjá hér fyrir neðan.
Það er ekki af ástæðulausu sem Klopp er dáður innan knattspyrnuheimsins. Hann gæti þó átt yfir höfði sér bann fyrir að æða inn á völlinn.
Wow!!! Jurgen Klopp charges onto the pitch to celebrate with Alisson! 😱
— Soccer AM (@SoccerAM) December 2, 2018
Liverpool score a bizzare LATE goal to win the Merseyside derby 1-0. Simply incredible!🤯 pic.twitter.com/7NM4P0pltV
Athugasemdir