Allegri orðaður við Man Utd - Modric að framlengja við Real Madrid
   mán 13. maí 2024 17:00
Elvar Geir Magnússon
Þurrkaði tárin - „Bestu átján mánuðir lífs míns“
Edwards táraðist eftir leikinn á laugardag.
Edwards táraðist eftir leikinn á laugardag.
Mynd: Getty Images
Mynd: Getty Images
Rob Edwards stjóri Luton segir að félagið hafi fært sér bestu átján mánuði lífs síns. Liðið féll formlega úr ensku úrvalsdeildinni um helgina en Edwards segist ákveðinn í að koma liðinu aftur upp í deild þeirra bestu.

Edwards þurrkaði tárin með fingrunum eftir 3-1 tap gegn West Ham á laugardag. Eftir þau úrslit voru örlögin ljós, þó liðið eigi enn tölfræðilega möguleika á að halda sæti sínu þá eru þeir ekki raunhæfir.

Stuðningsmenn Luton klöppuðu fyrir liði sínu eftir leikinn og héldu uppi borða sem á stóð: "Við erum stolt af ykkur".

„Viðbrögð stuðningsmanna kölluðu fram tilfinningar. Ég vil þakka þeim, leikmönnum og stjórninni. Þau hafa gefið mér átján bestu mánuði lífs míns. Þetta hefur verið magnað ferðalag," sagði Edwards eftir leikinn.

„Það eru svo mikil vonbrigði að við náðum ekki að halda sæti okkar. Þetta er þriðja árið mitt sem stjóri. Ég hef unnið deildarmeistaratitil, verið rekinn, komist upp í gegnum umspil og núna fallið. Þetta hefur ekki verið tíðindalaust."

„Þetta fall er bara bensín fyrir okkur, við ætlum að koma aftur upp. Við verðum í sterkari stöðu en síðast þegar við vorum í Championship. Þá komumst við upp með eitt minnsta fjárráðið, nú verðum við eitt sterkasta liðið."

Luton náði ekki að vinna útileik frá því í desember og gekk illa að halda marki sínu hreinu. Það varð liðinu að falli. Fyrir tímabilið spáðu nánast allir Luton falli enda komst það gríðarlega óvænt upp í deildina fyrir ári síðan.


Stöðutaflan England Premier league - karlar
  L U J T ms: mf: mun Stig
1 Man City 37 27 7 3 93 33 +60 88
2 Arsenal 37 27 5 5 89 28 +61 86
3 Liverpool 37 23 10 4 84 41 +43 79
4 Aston Villa 37 20 8 9 76 56 +20 68
5 Tottenham 37 19 6 12 71 61 +10 63
6 Chelsea 37 17 9 11 75 62 +13 60
7 Newcastle 37 17 6 14 81 60 +21 57
8 Man Utd 37 17 6 14 55 58 -3 57
9 West Ham 37 14 10 13 59 71 -12 52
10 Brighton 37 12 12 13 55 60 -5 48
11 Bournemouth 37 13 9 15 53 65 -12 48
12 Crystal Palace 37 12 10 15 52 58 -6 46
13 Wolves 37 13 7 17 50 63 -13 46
14 Fulham 37 12 8 17 51 59 -8 44
15 Everton 37 13 9 15 39 49 -10 40
16 Brentford 37 10 9 18 54 61 -7 39
17 Nott. Forest 37 8 9 20 47 66 -19 29
18 Luton 37 6 8 23 50 81 -31 26
19 Burnley 37 5 9 23 40 76 -36 24
20 Sheffield Utd 37 3 7 27 35 101 -66 16
Athugasemdir
banner
banner
banner
banner