Trossard fagnar marki sínu í dag

Mynd: EPA

Leandro Trossard tryggði Arsenal sigur gegn Man Utd á Old Trafford og kom liðinu á toppinn.

Man Utd fékk fyrsta tækifæri leiksins þegar Rasmus Hojlund var í góðu færi en hitti boltann illa.

Eftir tuttugu mínútna leik fékk Kai Havertz boltann aleinn á miðjum vallarhelmingi Man Utd en Casemiro var lengi að koma sér fram völlinn og gerði hann réttstæðan.

Havertz komst inn á teiginn og lagði boltann á Trossard sem skoraði að miklu öryggi.

Amad Diallo féll í teignum eftir viðskipti við Thomas Partey í fyrri hálfleiknum en ekkert dæmt. Bæði lið fengu tækifæri til að skora í þeim síðari en niðurstaðan 1-0 sigur Arsenal.

Man Utd er nú þremur stigum á eftir Newcastle í baráttunni um sæti í Sambandsdeildinni þegar tvær umferðir eru eftir.