Byrjunarlið Man Utd og Arsenal: Antony og Eriksen bekkjaðir

Arsenal er í harðri titilbaráttu við Manchester City og þarf sigur til að halda í við ríkjandi meistara, á meðan meiðslahrjáð lið Man Utd er að berjast um Evrópusæti.

Erik ten Hag gerir þrjár breytingar frá vandræðalegu tapi gegn Crystal Palace í síðustu umferð, en hann hefur ekki úr mörgum leikmönnum að velja.

Sofyan Amrabat, Scott McTominay og Amad Diallo koma inn í byrjunarliðið fyrir Christian Eriksen og Antony sem setjast á bekkinn, á meðan Mason Mount dettur úr hópnum vegna smávægilegra meiðsla.

Mikel Arteta breytir engu eftir þægilegan sigur gegn Bournemouth. Þetta er fjórði leikurinn í röð sem Arsenal mætir til leiks með sama byrjunarlið, þar sem Takehiro Tomiyasu byrjar í vinstri bakverði, Thomas Partey er á miðjunni og Leandro Trossard á vinstri kanti.

Oleksandr Zinchenko, Jorginho og Gabriel Martinelli sitja á bekknum ásamt Jakub Kiwior og Gabriel Jesus.

Man Utd: Onana, Wan-Bissaka, Evans, Amrabat, Dalot, Casemiro, Mainoo, McTominay, Diallo, Garnacho, Höjlund
Varamenn: Bayindir, Amass, Kambwala, Ogunneye, Collyer, Eriksen, Forson, Antony, Wheatley

Arsenal: Raya, White, Saliba, Gabriel, Tomiyasu, Rice, Partey, Ödegaard, Saka, Trossard, Havertz
Varamenn: Ramsdale, Zinchenko, Kiwior, Jorginho, Vieira, Smith Rowe, Martinelli, Jesus, Nketiah