Mynd: Getty Images

Mudryk kom Chelsea á blað í dag

Mynd: EPA

Það var magnaður leikur á City Ground í Nottingham í dag þar sem Chelsea var í heimsókn. Nottingham Forest þurfti stig til að gulltryggja áframhaldandi veru sína í deildinni á næstu leiktíð.

Mykhailo Mudryk kom Chelsea yfir snemma leiks en Willy Boly var ekki lengi að jafna metin.

Það var síðan fyrrum Chelsea maðurinn, Callum Hudson-Odoi, sem kom Forest yfir þegar stundafjórðungur var til loka venjulegs leiktíma. Raheem Sterling jafnaði metin.

Aðeins tveimur mínútum síðar tryggði Nicolas Jackson sigur Chelsea þegar hann skoraði með skalla eftir sendingu frá Reece James sem var ný kominn inn á sem varamaður í sínum fyrsta leik í fimm mánuði.

Chelsea jafnaði Newcastle að stigum í baráttunni um sæti í Sambandsdeildinni á næstu leiktíð með þessum sigri en bæði lið eiga eftir að spila tvo leiki.