Liverpool hefur skorað 41 mark úr föstum leikatriðum síðan í byrjun síðasta tímabils.
Vítaspyrnur eru meðtaldar en þetta eru upplýsingar frá Opta tölfræðifyrirtækinu.
Vítaspyrnur eru meðtaldar en þetta eru upplýsingar frá Opta tölfræðifyrirtækinu.
Það eru tíu fleiri mörk en nokkuð annað lið í ensku úrvalsdeildinni hefur náð að skora úr föstum leikatriðum. Þetta er engin tilviljun.
Tímabilið 2017-18 skoraði Bournemouth mest úr föstum leikatriðum og Manchester City var númer tvö.
Jurgen Klopp var vel meðvitaður um forskotið sem þetta gefur liðum og ákvað að leggja áherslu á föst leikatriði á Melwood æfingasvæðinu.
Klopp fékk sérfræðinga í aukaspyrnum og innköstum og notaði tölfræði til að reyna að bæta þennan þátt. Og það hefur svínvirkað. Þessi mörk hafa skilað Liverpool sigrum í jöfnum leikjum og komið liðinu í titilbaráttuna.
Það hjálpar svo auðvitað að hafa svona öfluga leikmenn í föstum leikatriðum eins og Trent Alexander-Arnold og Virgil van Dijk sýndu í sigrinum gegn Brighton síðasta laugardag.
Athugasemdir