Þegar Bjarni Mark Duffield var tilkynntur sem nýr leikmaður Vals sagði hann að koma Gylfa Þórs Sigurðssonar til félagsins hefði skipt hann máli þegar hann svo ákvað að ganga í raðir Vals frá norska félaginu Start.
„Það að fá Gylfa Sigurðsson til liðsins er risastórt og hjá mér var það alveg faktor í því að ég ákvað að koma í Val. Ég hef verið mikill aðdáandi Gylfa sem fótboltamanns og það að fá að upplifa það að æfa og spila með svona hæfileikaríkum leikmanni verður afar spennandi," sagði Bjarni í tilkynningunni.
„Það að fá Gylfa Sigurðsson til liðsins er risastórt og hjá mér var það alveg faktor í því að ég ákvað að koma í Val. Ég hef verið mikill aðdáandi Gylfa sem fótboltamanns og það að fá að upplifa það að æfa og spila með svona hæfileikaríkum leikmanni verður afar spennandi," sagði Bjarni í tilkynningunni.
Fótbolti.net ræddi við Bjarna á mánudagskvöldið og spurði nánar út í Gylfa. Hefur koma hans til Vals mikið að segja í þinni ákvörðun?
„Já, ég væri að ljúga því ef ég myndi segja nei. Það ákvað kannski ekkert að ég kom, en það klárlega ýtti undir. Þegar ég sá þetta [að Gylfi væri kominn] þá fór ég að hugsa: „Úff, þetta er alvöru dæmi, þarf ég að fara aðeins að endurskoða hlutina?"," sagði Bjarni.
Bjarni er kominn með leikheimild með Val og gæti spilað sinn fyrsta leik með liðinu á laugardag þegar liðið tekur á móti ÍA í fyrstu umferð Bestu deildarinnar.
Athugasemdir
