„Það er ekki hægt að lýsa þessu það er ótrúlega gaman að vinna," sagði Harpa Jóhannsdóttir markvörður Þór/KA sem átti stórkostlegan leik gegn Val í 2-1 sigri í kvöld.
Lestu um leikinn: Þór/KA 2 - 1 Valur
„Það var nóg að gera og ég var bara klár. Við vorum undirbúnar fyrir þetta, við fengum enga djók byrjun, Breiðablik fyrst og Valur svo og við náum skrekknum úr okkur gegn Breiðablik."
„Vorum staðráðnar í að gera betur hér. Hingað á enginn að koma, sérstaklega ekki inn í Bogann okkar og sækja neitt auðveldlega," sagði Harpa.
Hún hrósaði Tiffany McCarty og Söndu Maríu Jessen sem nýttu tækifærin vel þegar þau gáfust fram á við.
„Við erum með frábæra styrkingu í Tiffany og Söndru frammi þannig við erum alltaf hætturlegar þegar við náum honum fram á við."
Viðtalið við Hörpu má sjá í spilaranum hér að ofan.