Fótbolti.net

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

Maggi er ósáttur með mark Fylkis: Boltinn var aldrei inni

Heimir: Þurfum að setjast niður og læra af þessu

Sölvi Geir: Það fór smá um mann

Seinn á fund í gær en skoraði þrennu í kvöld: Fokking mikil sekt

Hemmi: Helvíti ódýr mörk og einstaklingsmistök

mið 03. ágúst 2022 16:14

Elvar Geir Magnússon

Arnar Gunnlaugs: Tel okkur eiga góða möguleika

Arnar Gunnlaugsson, þjálfari Víkings.

Mynd: Fótbolti.net - Hafliði Breiðfjörð

Annað kvöld fer fram fyrri leikur Víkings og Lech Poznan í 3. umferð forkeppni Sambandsdeildarinnar. Leikið er á Víkingsvelli.

Arnar Gunnlaugsson, þjálfari Víkings, segir að sínir menn mæti brattir til leiks þó pólska liðið sé mun sigurstranglegra í einvíginu.

„Tilhlökkunin er mikil, það er góður taktur í okkar leik og fullt sjálfstraust en við gerum okkur grein fyrir því að við erum 'underdogs' í þessu einvígi. Það er samt allt mögulegt í fótbolta, við þurfum að eiga toppleik sem lið og sem einstaklingar. Við þurfum að sýna andstæðingunum virðingu en vera minnugir þess hvað við höfum gert í Evrópukeppni. Við höfum lært mikið og þroskast mikið sem lið. Ég tel okkur eiga góða möguleika," segir Arnar.

Stjarnan sló Lech Poznan út úr Evrópukeppni 2014. Ingvar Jónsson, markvörður Víkings, varði þá mark Stjörnunnar og Pablo Punyed lék á miðjunni.

„Ég man eftir þeim leik. Það var gríðarlega ánægjulegt fyrir íslenskan fótbolta á þeim tíma að ná að slá út svona lið. Talandi um að eiga leik lífs síns, allir í Stjörnunni áttu leik lífsins þann dag. Þar á meðal markvörðurinn minn. Þú þarft líka heppni til að slá út svona lið og þetta sumar gekk allt upp hjá Stjörnunni. Það þarf mikla hæfileika til að slá svona lið út en jafnframt heppni líka."

Það má búast við miklu stuði á vellinum á morgun, það hefur sést þegar pólsk lið koma hingað til lands hversu öflugt pólska samfélagið er á Íslandi.

„Það verður mikil stemning á pöllunum. Verst er hvað við getum selt fáa miða en á móti fáum við heimavöllinn okkar, þar sem okkur líður best," segir Arnar en Víkingur og Breiðablik fengu undanþágu frá UEFA til að geta spilað á heimavöllum á þessu stigi keppninnar.