Haraldur Björnsson markmaður Stjörnunnar var ansi svekktur eftir 2-2 jafntefli gegn Fram í stórskemmtilegum leik en liðin áttust við í kvöld í 15.umferð Bestu deildar karla.
Lestu um leikinn: Fram 2 - 2 Stjarnan
"Við bara byrjuðum leikinn mjög vel og skorum mjög flott mark og það bara bara eins og við hefðum dottið á hælana við það að skora svona snemma. Hleypum þeim full auðveldlega inn í þetta, erfitt að segja eitthvað við því þegar hann [Tiago] setur hann í samskeytin sitthvoru megin þannig lítið að segja því kannski en full auðvelt frá okkur en svo gerum við mjög vel að koma okkur inn í leikinn og við erum mjög svekktir með þetta, klárlega tvö töpuð stig" Sagði Haraldur í viðtali við Fótbolta.net eftir leik.
Framarar herjuðu ekkert svakalega að marki Stjörnunnar fyrir utan þessi tvö geggjuðu mörk hjá Tiago.
"Já akkurat, þeir lágu bara til baka og það var eins og þeim langaði ekki að vinna þennan leik þegar að við jöfnum í 2-2, kannski urðu þeir stressaðir eftir að við skoruðum eða eitthvað. Ég er bara svekktur"
Síðan að júní mánuður hófst hafa Stjörnumenn aðeins unnið einn leik, fimm jafntefli og eitt tap.
"Það er ekkert sérstakt, þú ferð ekkert rosalega langt á því, að sama skapi erum við bara búnir að tapa einum þannig þetta eru fimm jafntelfi, þau eru dýrkeypt og við þurfum að fara snúa þessum jafnteflum í sigur"
Viðtalið má sjá í heild sinni hér fyrir ofan en þar er Halli til að mynda spurður út í innkomu Sindra Ingimarssonar sem gekk til liðs við Stjörnuna úr 3.deildinni.
