Rúnar Þór Sigurgeirsson lék allan leikinn í vinstri bakerði er Willem II lagði Oss að velli í B-deild hollenska boltans.
Willem var marki undir í leikhlé og klúðraði vítaspyrnu í upphafi síðari hálfleiks en var talsvert sterkari aðilnn á vellinum og verðskuldaði að lokum 2-1 endurkomusigur.
Willem er með 14 stig eftir 8 umferðir.
Jón Daði Böðvarsson fékk þá að spila síðustu mínúturnar í 3-2 sigri Bolton gegn Stevenage í C-deild enska boltans. Jóni Daða var skipt inn á 84. mínútu.
Bolton er í þriðja sæti eftir þennan sigur, með 20 stig úr 10 leikjum.
Að lokum hafði Triestina betur gegn Virtus Verona í ítalska C-deildabikarnum. Kristófer Jónsson er á mála hjá Triestina.
Willem II 2 - 1 Oss
Bolton 3 - 2 Stevenage
Virtus Verona 0 - 1 Triestina
Athugasemdir
