Brahim Díaz skoraði
Marokkó 1 - 1 Malí
1-0 Brahim Diaz ('45, víti )
1-1 Lassine Sinayoko ('64, víti )
1-0 Brahim Diaz ('45, víti )
1-1 Lassine Sinayoko ('64, víti )
Gestgjafarnir í Marokkó fóru illa að ráði sínu eru þeir gerðu 1-1 jafntefli við Malí í 2. umferð í A-riðli Afríkukeppninnar í Rabat í kvöld.
Zinedine Zidane mætti á leik hjá Alsír á dögunum til að horfa á son sinn spila og mætti annar Frakki í kvöld til að horfa á Marokkó spila, en það var sjálfur Kylian Mbappe, leikmaður Real Madrid.
Hann var þarna til að horfa á góðan vin sinn og fyrrum liðsfélaga, Achraf Hakimi, spila en Mbappe var klæddur treyjunni hans í stúkunni. Það var hins vegar núverandi liðsfélagi Mbappe sem kom Marokkó yfir.
Það var Brahim Díaz sem skoraði fyrsta mark leiksins úr vítaspyrnu undir lok fyrri hálfleiks, en Malí svaraði á 64. mínútu er Jawad El Yamiq var dæmdur brotlegur í teignum.
Lassine Sinayoko steig á punktinn og jafnaði metin fyrir Malí.
Heimamenn fengu mörg færin til þess að skora fleiri mörk í leiknum en heppnin var ekki með þeim í kvöld.
Niðurstaðan 1-1 jafntefli og mistókst Marokkó því að tryggja sér sæti í 16-liða úrslitum keppninnar. Heimamenn fá tækifæri til þess á mánudag þegar þeir spila við Sambíu.
Marokkó er áfram á toppnum með 4 stig en Malí í öðru sæti með 2 stig. Malí mætir Kómóreyjum í lokaumferðinni.
Hakimi’s got special support in the stands tonight. Mbappé. ??????#TotalEnergiesAFCON2025 | #WePlayDifferent pic.twitter.com/W2jAAAzrVt
— TotalEnergies AFCON 2025 (@CAF_Online) December 26, 2025
Athugasemdir
