Enski miðjumaðurinn Curtis Jones er ekki í leikmannahópi Liverpool sem er þessa stundina yfir gegn Atlético Madríd, 2-0, en hann varð fyrir óvenjulegum meiðslum.
Curtis hefur komið með ferska vinda inn í hópinn hjá Liverpool og fengið mikið lof fyrir frammistöðu sína með liðinu.
Hann hefði öllu jafna verið í hópnum gegn Atlético í kvöld en var þó hvergi að sjá á skýrslu.
Jürgen Klopp, knattspyrnustjóri Liverpool, útskýrði fjarveru hans, en leikmaðurinn fékk putta í augað og gat því ekki spilað leikinn.
„Við misstum Curtis því miður úr hópnum eftir æfinguna í gærkvöldi. Hann fékk putta í augað, það er alveg ótrúlegt hvað getur gerst í þessu lífi. Hann verður í lagi en þarf tíma til að jafna sig," sagði Klopp.
Athugasemdir