Norwich er í fallsæti í ensku úrvalsdeildinni en liðið ferðast til norðurhluta Lundúna á sunnudaginn til að mæta Tottenham.

Dean Smith, stjóri Norwich, sat fyrir svörum á fréttamannafundi í morgun. Þar staðfesti hann meðal annars að Todd Cantwell væri laus við Covid-19 og til í slaginn.

Cantwell, sem er 23 ára sóknarmiðjumaður, hefur verið talsvert frá á tímabilinu og aðeins komið við sögu í sex deildarleikjum.