„Þetta er mjög mikilvægur sigur, við þurftum að vinna þennan leik til að halda í við toppbaráttuna," sagði Pablo Punyed eftir 2-0 sigur á Víkingum í Pepsi Max-deildinni.
Lestu um leikinn: KR 2 - 0 Víkingur R.
Þessi leikur var ótrúlegur og fengu þrír leikmenn Víkings að líta rauða spjaldið.
Sölvi Geir Ottesen, fyrirliði Víkings, fékk að líta rauða spjaldið á 78. mínútu. Stefán Árni Geirsson féll til jarðar eftir viðskipti við Sölva og kom Pablo á ferðinni og ýtti Sölva á Stefán með þeim afleiðingum að Sölvi fór í andlit Stefáns Árna. Helgi Mikael lyfti upp rauða spjaldinu við litla hrifningu Sölva.
„Markmið mitt var ekki að ýta honum svo að hann myndi stíga á mann. Hann er sterkur og stór maður. Þetta er ekki í fyrsta sinn sem hann gerir þetta í ár," sagði Pablo sem sagðist ekki hafa ýtt Sölva af miklum krafti.
„Á endanum er það dómarinn sem tekur ákvörðun."
Viðtalið er í heild sinni hér að ofan.
Athugasemdir