Graham Potter, stjóri Brighton, hefur staðfest að franski sóknarmaðurinn Neal Maupay verði í leikmannahópnum á föstudag þegar leikið verður gegn Burnley í ensku úrvalsdeildinni.

Maupay, sem er markahæsti leikmaður Brighton á tímabilinu með fjögur mörk, var óvænt ekki í hópnum gegn Tottenham síðasta sunnudag.

Potter var ekki ánægður með hugarfar leikmannsins. Enskir fjölmiðlar segja að hann hafi verið með stæla á æfingasvæðinu og líti of stórt á sig.

„Hann hefur æft með okkur í vikunni og viðurkennir að hann hafi ekki hegðað sér nægilega vel. Stundum láta menn skapið hlaupa með sér í gönur, við erum fagmenn en stundum fara menn yfir strikið og þá þarf að bregðast við," segir Potter.

„Það eru engin vandamál með Neal. Við lítum á þetta sem eitt atvik og horfum fram veginn."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit