Spánn: Barcelona lagði Osasuna

Barcelona vann skyldusigur í spænsku úrvalsdeildinni í kvöld er liðið mætti Osasuna á útivelli í síðasta leik dagsins á Spáni.

Börsungar þurftu á sigri að halda í toppbaráttunni og gátu minnkað forskot Atletico Madrid niður í tvö stig.

Það er nákvæmlega það sem Barcelona gerði en Jordi Alba og ungstirnið Ilaix Moriba sáu um að skora mörkin í 2-0 sigri.

Barcelona er með 56 stig í öðru sætinu, tveimur stigum frá Atletico sem á þó tvo leiki til góða.