„Það var gott að fá þennan leik. Það sást í byrjun að við þurfum að slípa okkur saman. Mér leið betur þegar leið á leikinn, hægt að taka margt gott úr þessum leik en margt sem má bæta, " sagði Anna Björk Kristjánsdóttir, leikmaður Selfoss, eftir 1-2 sigur á Val í Meistarakeppni KSÍ.
Smelltu hér til að lesa textalýsingu úr leiknum - ATH: Viðtalið má sjá og heyra í heild sinni í sjónvarpinu hér að ofan.
Smelltu hér til að lesa textalýsingu úr leiknum - ATH: Viðtalið má sjá og heyra í heild sinni í sjónvarpinu hér að ofan.
Alfreð Elías, þjálfari Selfoss, talaði um að Selfoss liðið hefði verið eins og gatasigti í fyrri hálfleik. Er Anna sammála því?
„Já ég er alveg sammála því. Valstelpurnar eru rosalega sterkar fram á við og leikmenn sem geta sparkað löngum boltum. Við áttum erfitt með að lesa hreyfingar þeirra en í seinni hálfleiknum gekk þetta betur."
„Við náðum að tengjast betur í seinni, vorum að misskilja oft hvor aðra, vorum að senda í fætur þegar við vildum fá hann langan [í fyrri hálfleik]. Fórum að þora halda boltanum og þorðum að senda á milli, stigum aðeins framar á völlinn."
Anna Björk er að koma heim eftir nokkur tímabil í atvinnumennsku. Hefur mikið breyst?
„Ég byrja auðvitað á flottum leik, það er komið gervigras í staðinn fyrir gras hérna á Valsvöllinn. Það er gaman að vera komin heim í átökin aftur. Íslenska deildin alltaf að fara fram á við, margir góðir leikmenn. Góðir ungir leikmenn sem ég hef heyrt mikið af en ekki spilað á móti, sá nokkra slíka í dag. Ég held að framtíðin sé björt."
Ummæli um laun Önnu Bjarkar vöktu mikla athygli á dögunum og upp spratt mikil umræða. Hvernig hefur þessi umræða verið frá Önnu séð?
„Mér finnst fyrst flott að það sé komin almennileg umræða um kvennafótboltann. Við [leikmenn] fögnum umræðunni en að sama skapi þarf að vera talað af virðingu. Það verður að virða okkar störf sem íþróttakonur."
„Það er mikið framfaraskref í umfjöllun um kvennaboltann, við fögnum því. Það verður að gera þetta af virðingu og þá eru allir sáttir," sagði Anna að lokum.
