„Við gáfumst aldrei upp. Við náðum að vera þéttar í fyrri hálfleik en áttum í erfiðleikum með þær í þeim síðari. En við héldum áfram og orkan í liðinu hvatti mig áfram. Mér fannst við ekki hengja haus heldur reyndum við að berjast og bíta frá okkur,“ sagði Morgan Goff, leikmaður Þróttar, eftir 4-0 tap gegn Breiðablik í kvöld. Morgan átti þrátt fyrir tapið fínan leik hjá heimaliðinu og gaf sig alla í leikinn.

Lestu um leikinn: Þróttur R. 0 -  4 Breiðablik

„Við ætluðum að pressa á þær og ég held að við höfum aðeins hrætt þær í fyrri hálfleik þegar við áttum orku í pressuna en það dró svo af okkur er leið á leikinn. En þegar okkur tókst að pressa þá hræddum við þær og fengum marktækifæri,“ sagði Morgan um leikinn en Þróttarar fengu fína sénsa á fyrsta hálftíma leiksins. Eftir að Blikar komust yfir varð verkefnið þó ansi strembið og Þróttarar náðu ekki að halda í við andstæðingana.

Framundan er hörð barátta í neðri hluta deildarinnar en Þróttarar eru nú í 8. sæti með 10 stig. Morgan hefur fulla trú á að lið hennar geti haldið sér í deild hinna bestu.

„Ég er vongóð. Framundan eru hörkuleikir og við getum sannarlega staðið okkur. Við höfum sýnt það í hverjum einasta leik. Nú er þétt leikjatörn framundan og við verðum vonandi klárar í slaginn.“

Hægt er að horfa á allt viðtalið við Morgan Goff í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit