Slúðurpakkinn er í boði Powerade og er það BBC sem tekur saman það helsta í erlendu slúðri.
Cristiano Ronaldo (39), framherji Al-Nassr og Portúgals, hvetur sádi-arabíska félagið til að kaupa belgíska miðjumanninn Kevin de Bruyne þegar samningur hans við Manchester City rennur út næsta sumar. (Mundo Deportivo)
Manchester United hefur áhuga á að ráða Xabi Alonso, stjóra Bayer Leverkusen, í stað Erik ten Hag og er tilbúið að bíða fram á sumar eftir fyrrum miðjumanni Liverpool. (Todofichajes)
Pau Torres, varnarmaður Aston Villa, er skotmark Manchester United sem er tilbúið að bjóða tæpar 42 milljónir punda fyrir þennan 27 ára gamla spænska varnarmann. (Fichajes)
Al-Ahli vill fá Mohamed Salah (32) og Virgil van Dijk, 33 ára liðsfélaga sinn hjá Liverpool, þegar samningar þeirra við liðið renna út í lok tímabilsins. (Caught offside)
Pólski framherjinn Robert Lewandowski (36) hefur möguleika á að framlengja samning sinn við Barcelona fram yfir næsta sumar ef hann uppfyllir ákveðin skilyrði, sem búist er við að hann nái. (Sport)
Barcelona íhugar að senda spænska framherjann Ansu Fati (21) á láni í janúar. (Sport)
Max Eberl, yfirmaður íþróttamála hjá Bayern München, segir að samningsviðræður séu í gangi við Jamal Musiala (21) og að hann sé „mjög öruggur“ um jákvæða lausn við þýska miðjumanninn, sem hefur verið orðaður við möguleg skipti til Manchester City og Arsenal. (Metro)
Southampton ætlar að gefa hinum 18 ára gamla Tyler Dibling nýjan samning til að verðlauna framfarir enska miðjumannsins, sem vekur vaxandi áhuga frá öðrum félögum. (Sunday Mirror)
Manchester United hefur fengið samþykki ensku úrvalsdeildarinnar til að fá Chido Obi-Martin sem hefur verið fulltrúi Englands og Danmerkur í yngri landsliðum. Þessi 16 ára gamli leikmaður hefur einnig staðfest félagaskiptin frá Arsenal í færslu á samfélagsmiðlum. (Manchester Evening News)
Newcastle United er að íhuga endurbyggingu á St James' Park leikvanginum á núverandi lóð, sem gæti kostað allt að 1 milljarð punda og fjölgað sætum vallarins úr 65.000 og í 70.000. (Sunday Telegraph)
Steve Holland, sem var staðgengill Gareth Southgate, fyrrum landsliðsþjálfara Englands, vill að næsta starf hans verði sem knattspyrnustjóri, frekar en sem aðstoðarmaður Southgate. (Sun)
