Barcola og Mikael Egill Ellertsson.
Didier Deschamps landsliðsþjálfari Frakklands.
Eftir að hafa verið skoðaður af læknum franska landsliðsins hefur Bradley Barcola, leikmaður Paris Saint-Germain, dregið sig út úr hópnum sem er að fara að mæta Aserbaídsjan og Íslandi í undankeppni HM.
Barcola, sem byrjaði í leiknum gegn Íslandi á Prinsavöllum í síðasta glugga, er að glíma við meiðsli aftan í læri.
Florian Thauvin, leikmaður Lens, hefur verið kallaður upp í hópinn í hans stað. Thauvin, sem er 32 ára, hefur leikið tíu landsleiki en síðast lék hann fyrir Frakkland fyrir sex árum síðan.
Barcola, sem byrjaði í leiknum gegn Íslandi á Prinsavöllum í síðasta glugga, er að glíma við meiðsli aftan í læri.
Florian Thauvin, leikmaður Lens, hefur verið kallaður upp í hópinn í hans stað. Thauvin, sem er 32 ára, hefur leikið tíu landsleiki en síðast lék hann fyrir Frakkland fyrir sex árum síðan.
Eins og við greindum frá í dag þá er Kylian Mbappe tæpur fyrir komandi landsleiki. Hann æfði ekki með franska liðinu í dag eftir að hafa orðið fyrir meiðslum í leik með Real Madrid um helgina.
Didier Deschamps landsliðsþjálfari útilokar þó ekki að hann geti tekið þátt í komandi leikjum: „Meiðslin eru minniháttar, annars væri hann ekki hér," sagði Deschamps. Ibrahima Konate varnarmaður Liverpool tók heldur ekki þátt í æfingunni.
Það vantar þegar marga öfluga leikmenn í franska hópinn en þar á meðal er Ballon d’Or gullboltahafinn Ousmane Dembele. Einnig eru Desire Doue, Rayan Cherki, Randal Kolo Muani og Marcus Thuram fjarri góðu gamni vegna meiðsla.
Leikur Íslands og Frakklands verður á Laugardalsvelli eftir viku en Ísland mun fyrst mæta Úkraínu á föstudagskvöld.
Landslið karla - HM 2026
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 2 | 2 | 0 | 0 | 4 - 1 | +3 | 6 |
| 2. Ísland | 2 | 1 | 0 | 1 | 6 - 2 | +4 | 3 |
| 3. Úkraína | 2 | 0 | 1 | 1 | 1 - 3 | -2 | 1 |
| 4. Aserbaísjan | 2 | 0 | 1 | 1 | 1 - 6 | -5 | 1 |
Athugasemdir
