Fótbolti.net

Pablo Punyed um framtíðina: Það kemur í ljós

Matti Villa: Geggjaður endir á frábæru tímabili og mínum ferli

Sölvi um Pablo og Matta Villa: Þetta eru algjörir sigurvegarar

Túfa um Val: Miðað við allt sem ég er búinn að gera á ég þetta ekki skilið

Aron Sig stendur við ummæli sín: Sjá allir að við erum að fara taka yfir

Elmar Atli sár og svekktur: Að taka þessa ákvörðun í þessari stöðu er óskiljanlegt

Var afskaplega drjúgur fyrir KR í úrslitaleikjunum

Luke Rae um hasarinn: Það var ekkert alvarlegt

Eiði Aroni fannst liðið gefast upp - „Ekki sjón að sjá okkur eftir bikartitilinn"

Tilfinningarnar báru Hrannar ofurliði

Óskar Hrafn: Skrifað í skýin að við fengjum þetta verkefni til að leysa

Björn Daníel: Ég er hættur að spila

Rúnar: Það mun vera í sögubókunum

Maggi: Opinn fyrir því að halda áfram

Lárus Orri: Ég vissi að það væri verið að gera góða hluti hérna á Akranesi

Heimir kveður FH: Frábært að enda þetta með honum

Jón Þór: Alltof stór atvik í íslenskum fótbolta sem dómarastéttin er að klúðra

Ósáttur með hvernig ÍBV kláraði mótið - „Ákveðin vanvirðing“

Haddi: Okkur þyrstir að vera þar

Láki: Ákveðið að flýta þessum leik svo Haddi og KA-menn geti fengið sér snemma í kvöld

lau 25. október 2025 18:40

Sæbjörn Þór Þórbergsson Steinke
Ísafirði

Eiði Aroni fannst liðið gefast upp - „Ekki sjón að sjá okkur eftir bikartitilinn"

,,Ömurleg tilfinning"

Mynd: Fótbolti.net - Hafliði Breiðfjörð

„Þetta er bara ömurlegt, við gefum þeim fimm mörk í dag. Það er erfitt að lýsa því," sagði Eiður Aron Sigurbjörnsson, leikmaður Vestra, við Fótbolta.net eftir tap gegn KR í úrslitaleik um sæti í Bestu deildinni 2026. KR vann leikinn 5-1 og Vestri verður í Lengjudeildinni.

„Þeir segja að við skorum löglegt mark (rétt eftir að KR komst í 1-0). Svo er ein mínúta eftir af fyrri hálfleik og við gefum þeim 2-0 markið. Leikurinn fer svolítið þarna. Þetta er ömurleg tilfinning."

„Ég hef ekki séð markið en samkvæmt þeim á bekknum er þetta löglegt og ég verð að trúa því. Það er bara svekkjandi, en við verðum bara að vera sterkari í hausnum, ekki kasta inn handklæðinu svona fljótt. Við erum að spila fyrir veru Vestra í efstu deild og mér fannst við bara gefast upp."

Lestu um leikinn: Vestri 1 - 5 KR

Eiður Aron er að kveðja Vestra eftir tvö tímabil, tilkynnti eftir leikinn gegn Aftureldingu um síðustu helgi að hann væri að fytja suður.

„Það er hræðilegt að kveðja svona, hundleiðinleg tilfinning að falla, en svona er þetta bara, áfram með lífið."

Vestri varð bikarmeistari í sumar, leitar hausinn eitthvað þangað?

„Ekki akkúrat núna, en kannski ef maður horfir til baka yfir tímabilið seinna. Að vinna bikarinn var risastórt fyrir klúbbinn og mig persónulega. Ég átti eftir að vinna bikarmeistaratitil og það var gaman að ná því, en eftir það var ekki sjón að sjá okkur."

Ætlar þú að vera í Bestu deildinni 2026?

„Það kemur bara í ljós, ég er opinn fyrir öllu," segir miðvörðurinn. Viðtalið í heild má sjá í spilaranum efst.