Zinedine Zidane mun taka við sem stjóri Paris Saint-Germain í sumar en þetta segir blaðamaðurinn virti Daniel Riolo.
Riolo er með góða heimildarmenn í sínum röðum og var á meðal þeirra fyrstu til að segja frá félagaskiptum Lionel Messi til PSG í fyrra.
Hann er staðráðinn í því að Zidane verði ráðinn til starfa í sumar og tekur þar við af Mauricio Pochettino.
Zidane hefur gert góða hluti í þjálfun og vann Meistaradeildina til að mynda þrjú ár í röð hjá Real Madrid.
Zidane er án félags þessa stundina en hann er franskur og hefur enn ekki þjálfað í heimalandinu.
Samband Pochettino og stjórnar PSG ku vera komið á ansi slæman stað og er búist við að hann kveðji eftir leiktíðina.
Athugasemdir
