Arjen Robben, fyrrum leikmaður Real Madrid og Bayern Munchen, íhugar nú að leggja skóna á hilluna í annað sinn.
Robben ákvað óvænt að taka fram skóna á þessu tímabili og leikur með uppeldisfélagi sínu Groningen í Hollandi.
Meiðsli hafa þó verið leikmanninum erfið sem lagði fyrst skóna á hilluna árið 2019 eftir langa dvöl hjá Bayern.
Robben staðfesti það í samtali við heimasíðu Groningen að hann þyrfti nú að taka erfiða ákvörðun vegna meiðsla.
Hollendingurinn hefur aðeins komið tvisvar við sögu á tímabilinu og hefur verið meiddur síðan í október.
Robben er 37 ára gamall í dag og segist reyna allt til að koma sér aftur í stand.
Athugasemdir
