Ruud van Nistelrooy, stjóri Leicester, var að vonum svekktur eftir ótrúlegar senur á Old Trafford í kvöld.
Leicester var með forystuna í hálfleik en Harry Maguire tryggði Man Utd sigurinn á lokasekúndunum eftir að Joshua Zirkzee hafði jafnað metin.
Leicester var með forystuna í hálfleik en Harry Maguire tryggði Man Utd sigurinn á lokasekúndunum eftir að Joshua Zirkzee hafði jafnað metin.
Það er ljóst að Maguire var í rangstöðu þegar hann skoraði markið með skalla eftir aukaspyrnu frá Bruno Fernandes. Ekki er notast við VAR á þessu stigi bikarkeppninnar.
Van Nistelrooy spilaði undir stjórn Sir Alex Ferguson hjá United á sínum tíma en United liðið var þekkt fyrir að skora sigurmörk á lokasekúndum leikja, það var farið að kalla það Fergie tímann (e. Fergie Time).
Van Nistelrooy vitnaði í það í viðtali eftir leikinn í kvöld.
„Við töpuðum ekki í Fergie tímanum, við töpuðum í rangstöðutímanum," sagði Van NIstelrooy.
„VAR getur skorið úr um nokkra sentimetra. Þetta var hálfur metri. Það er erfitt að taka þessu því við áttum skilið að fara í framlenginu."
Athugasemdir
