Úrslitaleikur Sambandsdeildar Evrópu fer fram í Prag, höfuðborg Tékklands, í kvöd.
West Ham United, sem var lengi vel í fallbaráttu á enska úrvalsdeildartímabilinu, keppir þar við Fiorentina, sem endaði sex stigum frá Sambandsdeildarsæti ítölsku deildarinnar.
Það er mikið undir fyrir bæði lið í kvöld, þar sem þau eru ekki einungis að keppast um langþráðan titil heldur einnig um sæti í Evrópudeildinni í haust. Roma vann Sambandsdeildina í fyrra og komst alla leið í úrslitaleik Evrópudeildarinnar í ár, en tapaði þar gegn Sevilla eftir vítaspyrnukeppni.
Fiorentina fór í gegnum Braga, Sivasspor, Lech Poznan og Basel á leið sinni í úrslitaleikinn á meðan West Ham lagði AEK Larnaca, Gent og AZ Alkmaar að velli.
Leikur kvöldsins:
19:00 Fiorentina - West Ham (YouTube)
