Erik Tobias glímir við meiðsli sem hafa haldið honum frá vellinum.
Rúnar Már lék í hjarta varnarinnar gegn ÍBV í síðasta leik ÍA.
Erik Tobias Sandberg, miðvörður ÍA, er að glíma við meiðsli sem héldu honum frá vellinum þegar ÍA mætti ÍBV í síðustu umferð. Það ríkir óvissa um hvort hann muni snúa aftur til baka á þessu tímabili.
Norski miðvörðurinn átti mjög gott tímabil með ÍA í fyrra þegar hann spilaði sitt fyrsta tímabil á Íslandi. Hann var eftirsóttur af öðrum félögum og hafði t.d. Valur mikinn áhuga á að fá hann í sínar raðir, en hann skrifaði undir nýjan samning við ÍA. Sandberg hefur, eins og í raun allt ÍA liðið, ekki náð að fylgja þeirri spilamennsku eftir, en hann er lykilmaður í liði Skagamanna sem situr á botni Bestu deildarinnar.
Norski miðvörðurinn átti mjög gott tímabil með ÍA í fyrra þegar hann spilaði sitt fyrsta tímabil á Íslandi. Hann var eftirsóttur af öðrum félögum og hafði t.d. Valur mikinn áhuga á að fá hann í sínar raðir, en hann skrifaði undir nýjan samning við ÍA. Sandberg hefur, eins og í raun allt ÍA liðið, ekki náð að fylgja þeirri spilamennsku eftir, en hann er lykilmaður í liði Skagamanna sem situr á botni Bestu deildarinnar.
„Staðan á honum er alls ekki góð, algjör óvissa með framhaldið hjá honum. Í fyrri hálfleik á móti Víkingi (17. ágúst) fær hann högg á öxlina eða síðuna. Fyrr í sumar fékk hann eins högg og þá missti hann máttinn í hendinni í einhverja daga. Þegar þetta gerðist í Víkingsleiknum þá voru menn vongóðir að þetta myndi ganga til baka, en það er ekki að gera það. Þetta er einhverskonar taugaáverki Þetta getur tekið frá einhverjum dögum upp í vikur og jafnvel mánuði að ganga til baka. Hann hefur ekki fullan kraft í hendinni, getur ekki beitt hendinni," segir Lárus Orri Sigurðsson, þjálfari ÍA, við Fótbolta.net.
Sandberg var ekki með gegn ÍBV í síðasta leik og í hjarta varnarinnar spiluðu Rúnar Már Sigurjónsson og Marko Vardic. Baldvin Þór Berndsen var í leikbanni, Hlynur Sævar Jónsson fjarri góðu gamni vegna meiðsla og ÍA seldi Oliver Stefánsson til Póllands í glugganum.
„Þetta hefur farið úr því að við áttum nóg af hafsentum í það að við áttum engan í leiknum gegn ÍBV. Marko er vanur að spila hafsent og með honum settum við Rúnar sem hafði spilað 20-30 mínútur á sínum ferli í hafsent, stóð sig nokkuð vel miðað við það. Baldvin snýr til baka úr banni fyrir næsta leik og það styttist í Hlyn, hann hefur ekkert æft síðan hann meiddist gegn FH (11. ágúst). Við vonumst til þess að Hlynur snúi til æfinga núna í vikunni og það er spurning hvort hann nái leiknum á fimmtudaginn gegn Blikum," segir Lárus Orri.
Sandberg, sem er 25 ára Norðmaður, er samningsbundinn ÍA út nóvember 2026. Stöðuna í deildinni má sjá hér að neðan.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
