Diljá spilaði hálftíma með Brann
Diljá Ýr Zomers og stöllur hennar í Brann töpuðu fyrir Hammarby, 4-1, í annarri umferð í forkeppni Evrópubikarsins í kvöld.
Hammarby og Brann áttust við í fyrri leiknum í rimmunni en leikurinn var spilaður í Stokkhólmi.
Diljá spilaði síðasta hálftímann í leiknum og þá kom María Þórisdóttir inn á nokkrum mínútum síðar.
Brann á erfiðan leik fyrir höndum í næstu viku, en þó ekki hægt að afskrifa endurkomu. Brann hefur unnið síðustu átta heimaleiki sína, þar af þrjá með þremur mörkum eða meira.
Fanney Inga Birkisdóttir var á bekknum hjá Häcken sem valtaði yfir GKS Katowice, 4-0, á heimavelli. Brasilíska landsliðskonan Helena Sampaio skoraði þrennu fyrir sænska liðið.
Hafrún Rakel Halldórsdóttir lék allan leikinn með Bröndby sem rústaði BSF, 7-0, í 16-liða úrslitum danska bikarsins.
Athugasemdir
