Pedro Goncalves.
Portúgalinn Pedro Goncalves hefur framlengt samning sinn við Sporting til ársins 2030. Goncalves var orðaður við Manchester United í sumar og sagður vera mögulegur arftaki Bruno Fernandes skyldi hann fara.
Goncalves var sóttur til Sporting árið 2020 þegar Ruben Amorim var við stjórnvölinn og var hann lykilmaður í liði Amorim. Hann leikur sem framsækinn miðjumaður og hefur hann skorað 87 mörk í 209 leikjum fyrir félagið.
Miðjumaðurinn þekkir vel til á Englandi en hann var sóttur í akademíu Úlfanna og lék einn leik fyrir aðallið Wolves áður en félagið leyfði honum að fara aftur til heimalandsins.
Sporting eru í 2. sæti deildarinnar eftir átta leiki þremur stigum á eftir toppliði Porto, en Sporting eru ríkjandi meistarar í Portúgal.
Athugasemdir
