Memphis Depay, markahæsti leikmaður í sögu hollenska landsliðsins, mun mæta seint í æfingabúðir landsliðsins eftir að vegabréfinu hans var stolið.
Hann átti að leggja af stað frá Brasilíu á sunnudaginn en hann leikur með Corinthians þar í landi.
Hann átti að leggja af stað frá Brasilíu á sunnudaginn en hann leikur með Corinthians þar í landi.
Holland mætir Möltu á fimmtudaginn á útivelli og Finnlandi heima á sunnudaginn í undankeppni HM. Hollenska sambandið segir að Memphis sé að reyna allt sem hann getur til að komast á leiðarenda eins fljótt og hægt er.
„Þetta er óheppilegt, sérstaklega fyrir hann en okkur líka. Maður vill að sjálfsögðu byrja undirbúninginn með alla leikmennina en við höfum enga stjórn á þessu. Við vonumst til að hann geti komist til móts við hópinn eins fljótt og hægt er," sagði Ronald Koeman, landsliðsþjálfari Hollands.
Memphis skoraði tvennu í 3-2 sigri gegn Litáen fyrir mánuði síðan en hann fór þar með upp fyrir Robin van Persie og varð markahæsti leikmaður landsliðsins frá upphafi með 52 mörk í 104 leikjum.
Holland er á toppi G riðils í undankeppninni. Liðið er fyrir ofan Pólland á markatölu og á leik til góða.
Athugasemdir
