Ítalía í dag - Milan þarf sigur gegn Roma
Mynd: Getty Images
Mynd: EPA
Mynd: Getty Images
Ítalski boltinn er farinn á fullt skrið á ný og eru fimm leikir á dagskrá í dag sem verða allir sýndir beint á Stöð 2 Sport 2 og aukastöðvum.
Fjörið hefst í Salerno þar sem Salernitana tekur á móti Torino í hádegisleiknum.
Spezia og Lecce eigast svo við í mögulegum Íslendingaslag þar sem Mikael Egill Ellertsson er á mála hjá Spezia og Þórir Jóhann Helgason hjá Lecce. Þórir Jóhann er þó að glíma við meiðsli og er ekki í leikmannahópi Lecce.
Lazio og Empoli mætast þá og þurfa heimamenn sigur eftir tvo tapleiki í röð í deildinni. Lærisveinar Maurizio Sarri eru í fimmta sæti, fjórum stigum eftir Inter í fjórða sæti en með leik til góða.
Topplið Napoli heimsækir svo fallbaráttulið Sampdoria og getur komist í sjö stiga forystu á ný með sigri áður en Ítalíumeistarar AC Milan taka á móti AS Roma í stórleik.
Milan er aðeins fimm stigum á eftir Napoli í titilbaráttunni og kemur sér upp í annað sæti deildarinnar með sigri gegn lærisveinum Jose Mourinho.
Leikir dagsins
11:30 Salernitana - Torino
14:00 Spezia - Lecce
14:00 Lazio - Empoli
17:00 Sampdoria - Napoli
19:45 Milan - Roma
Mynd: EPA
