Fyrrum miðjumaðurinn Andrea Pirlo mun taka við Juventus af Maurizio Sarri, sem var rekinn úr starfi fyrr í dag.
Fabrizio Romano segir frá þessu á Twitter og þegar hann hendir einhverju fram þá er það alltaf satt.
Fabrizio Romano segir frá þessu á Twitter og þegar hann hendir einhverju fram þá er það alltaf satt.
Sarri var rekinn í dag eftir aðeins eitt tímabil hjá félaginu. Sarri tók við Juventus af Massimo Allegri á síðasta ári eftir að hafa stýrt enska úrvalsdeildarliðinu Chelsea.
Juventus vann ítölsku deildina í ár en liðið endaði með 83 stig, einu meira en Inter. Liðið vann þá ekki ítalska bikarinn og Ofurbikar Ítalíu og þá féll liðið úr leik úr Meistaradeild Evrópu þrátt fyrir 2-1 sigur gegn Lyon í gær. Það er óásættanlegur árangur að mati stjórnar Juventus.
Mauricio Pochettino og Zinedine Zidane hafa verið orðaðir við Ítalíumeistarana en það verður Pirlo sem verður næsti stjóri liðsins.
Pirlo er fyrrum miðjumaður Juventus. Pirlo var einstaklega góður og gáfaður miðjumaður. Hann fékk sitt fyrsta þjálfarastarf í síðasta mánuði þegar hann var ráðinn þjálfari U23 liðs Juventus, en hann þurfti ekki að bíða lengi eftir stöðuhækkun.
Andrea Pirlo is going to be the new Juventus manager. He has been choosen by the president Andrea Agnelli. Last details to be completed... and here we go ⚪️⚫️ @SkySport @DiMarzio #Juventus
— Fabrizio Romano (@FabrizioRomano) August 8, 2020
Athugasemdir