Framherjinn Sebastien Haller er genginn til liðs við hollenska félagið Utrecht á láni frá Borussia Dortmund en þetta kemur fram í tilkynningu frá Utrecht í dag.
Haller er þrítugur og eyddi fyrri hluta leiktíðarinnar á láni hjá Leganes á Spáni.
Spænska félagið rifti lánssamningnum í byrjun mánaðarins og var Fílabeinsstrendingurinn ekki lengi að finna sér nýtt félag.
Hann er mættur aftur til Utrecht á láni út þetta tímabil, en þetta er í annað sinn á ferlinum sem hann spilar fyrir félagið.
Haller lék þrjú tímabil með Utrecht frá 2015 til 2017 og skoraði þá 51 mark í 98 leikjum.
Hjá Utrecht hittir hann íslenska landsliðsmanninn Kolbein Birgir Finnsson sem gekk í raðir félagsins frá Lyngby á síðasta ári.
Retour à la maison. ????
— FC Utrecht (@fcutrecht) January 9, 2025
Athugasemdir
